Polisi y’igihugu yahembye abahanzi bagizwe n’abahimba ibisigo, abahimba indirimbo n’abafatanyabikorwa bayo batandukanye mu gihugu bagaragaza mu bikorwa byabo by’ubuhanzi kugaragaza ibikorwa bitandukanye Poliri y’igihugu ikorera abaturage, hakaba hararebwe ubutumwa bunyura mu gihangano cya buri wese mu bahembwe kimwe n’abafatanyabikorwa mu nzego zinyuranye mu gikorwa cy’ubufatanye n’abaturage (Community Policing). Uyu muhango ukaba waritabiriwe na Komiseri mukuru wa Polisi ICP Gasana Emmanuel, Ministiri w’Umutekano mu gihugu Cheikh Mussa Fazil Harelimana n’umunyamabanga uhoraho muri Ministeri y’umutekano Ambasaderi Munyabagisha Valens.

Ibi bihembo bikaba byarabaye mu muhango wo kwizihizwa imyaka 13 bamaze bakorera ku cyicaro gikuru cya Polisi Kacyiru abahembwe bakaba bahawe amafaranga harimo Herman ukomoka mu karere ka Kicukiro, Anastase Byukusenge wo mu karere ka Burera wo mu karere ka Burera hamwe na Groupe Scolaire Mayange ko mu Bugesera. Mu rwego rw’ibisigo  abahembwe ni Marcel Bizumuremyi wo mu karere ka Nyanza, Agnes Nyirangirimana wo mu karere Nyamasheke, Marie Chantal Kampire ukomoka mu karere ka Rusizi na Nzabahimana Justine wo muri Gatsibo aba bakaba bakorana na Polisi y’igihugu mu rwego rwo kurwanya ibyaha no gukangurira abaturage umutekano.

Mu bandi bafatanyabikorwa ba Polisi y’igihugu hahembwe Uturere twa Bugesera, Rusizi, na Rubavu mu bandi hahembwa Contact FM, Voice of Africa, Radio 10, Radio One, ikigo cy’igihugu gishinzwe kwinjiza imisoro n’amahoro (Rwanda Revenue Authority (RRA) Ikigo cy’igihugu gishinzwe iby’indege za gisivili (Civil Aviation Authority (CAA), Ishuri rikuuru rya Kigali Institute of Management (KIM) na  ikigo cy’ubushakashatsi n’ubusabane kigamije amahoro (ILPD). Mu nzego za Polisi zitandukanye zagaragaje imikorere myiza hari Polisi mu burengerazuba mu gihe abakoze neza ari urwego rushinzwe guhuza Polisi n’inzego zo hanze (Public Relations) n’urwego rushinzwe abaturage rwa  Community Policing. Ministiri w’umutekano mu gihugu Mussa Fazil Harelimana yishimiye uburyo Polisi y’igihugu ifatanya n’inzzego zitandukanye cyane cyane mu rwego rwo gukumira ibyaha anashimangira ko igihugu kitatera imbere mu giha haba harangwa umutekano muke anasaba Abanyarwanda by’umwihariko kumva umutekano ari uwabo kandi ko bagomba kuwuharanira.

Umuyobozi wa Polisi mu rtwego rw’igihugu Inspector General of Police, Emmanuel K. Gasana yishimiye ibyo Polisi y’igihugu yagezeho muri iki gihe imaze anishimira kuba ubufatanye hagati y;’’inzego zitandukanye n’inzego bakorana bwariyongereye. Kurwanya ihohoterwa, kurwanya ibiyobyabwenge bikaba byaramenyekanye biranasobanurwa ku buryo abaturage bakorana na Polisi mu kurwanya no gukumira ibyo byaha.

Muri uwo muhango kandi wari witabiriwe n’abayobozi batandukanye barimo Umunyamabanga uhoraho muri iyo Minsiteri valens Munyabagisha, Umuyobozi w’ikigo cy’igihugu cyo kubungabunga ibidukikije Rose Mukankomeje, Komiseri mukuru w’ikigo cy’igihugu gishinzwe kwinjiza imisoro n’amahoro Ben Kagarama. Ibyo birori bikaba byarashyuhijwe n’abashinzwe umuziki muri Polisi y’igihugu bafatanyije n’umuhanzi Tuyisenge.