Ikipe ya APR VBC yegukanye igikombe cy’igihugu (Coupe du Rwanda) itsinze ku mukino wa nyuma ikipe ya Kaminuza nkuru y’u Rwanda (UNR) ku maseti 3-1. Naho mu bagore APR WVBC ikaba nayo yeracyegukanye itsinze Rwanda Revenu Authority (RRA) amaseti 3-2.

Iyi mikino ikaba yarabaye mu mpera z’iki cyumweru  ku italiki ya 29 Gicurasi ndetse no ku italiki ya 30 Gicurasi . Mu bagabo hari amatsinda 2 ariyo itsinda rya mbere A ryarimo  UNATEK, LYCEE DE NYANZA, UNR 2, KVC. Naho itsinda rya 2 ryarimo APR VBC, KIE, NONAS, UNR. Mu mikino y’amajonjora  mu itsinda rya mbere A UNATEK yatsinze LYCEE DE NYANZA  amaseti 3-1, UNR2 yatsinzwe na KVC amaseti 3-1, UNATEK yatsinzwe na  KVC amaseti 3-2,UNR2 itsinda LYCEE DE NYANZA  amaseti 3-2, UNR2 yatsinzwe na UNATEK amaseti 3-0 naho LYCEE DE NYANZA  itsindwa na KVC amaseti 3-0. Muri iri tsinda UNATEK na UNR akaba arizo zbaye iza mbere.

Mu itsinda rya 2  APR yatsinze KIE  amaseti  3 -0, NONAS itsindwa na  UNR amaseti  3-0, NONAS yatsinze KIE  amaseti  3-1, APR itsinda UNR  amaseti  3-2, NONAS itsindwa na APR amaseti 3-1 naho KIE itsindwa UNR  amaseti 3. Aha hakab harazamutsemo amakipe 2 ariyo APR VBC na UNR. Mu mikino ya ½ APR VBC yatsinze UNATEK amaseti 3-1 naho UNR itsinda KVC amaseti 3 kuri 2. Naho ku mukino wa nyuma  APR VBC yatsinze UNR amaseti 3-1.

Mu bagore APR WVBC niyo yegukanye igikombe

Mu mikino y’abagore  mu mikino y’amajonjora,  ikipe ya APR WVBC  yatsinze Ruhango amaseti 3-0, APR yongeye gutsinda Saint Esprit amaseti 3 -0 naho Ruhanga itsinda Saint Esprit amaseti 3-0. Aha hazamutse APR na Ruhango. Mu itsinda rya 2 RRA yatsinze UNR amaseti 3-0,UNR itsinda Lycee de Nyanza amaseti 3-0 naho RRA itsinda Lycee de Nyanza amaseti 3-0. Mu mikino ya ½, RRA yatsinze Ruhango amaseti 3-1 naho APR itsinda UNR amaseti 3-0.  Ku mukino wa nyuma APR yatsinze RRA amaseti 3-2, umukino warukomeye cyane ku mpande zombi.